Հ. Թումանյան «Իմ երգը», բանաստեղծությունը կարդալ, քննարկել, սովորել անգիր: Առաջադրանքներ՝ բանաստեղծությունից դուրս գրել 4 ածանցավոր բառ, 10 գոյական, բլոգում գրել, թե ինչի մասին է բանաստեղծությունը: Բանաստեղծությունը ձայնագրվել, հրապարակել բլոգում:
ԻՄ ԵՐԳԸ
Գանձեր ունեմ անտա՜կ, անծե՜ր,
Ես հարուստ եմ, ջա՜ն, ես հարուստ
Ծով բարություն, շընորհք ու սեր
Ճոխ պարգև եմ առել վերուստ։
Անհուն հանքը իմ գանձերի,
Սիրտս է առատ, լեն ու ազատ.
Ինչքան էլ որ բաշխեմ ձըրի—
Սերն անվերջ է, բարին՝ անհատ։
Երկյուղ չունեմ, ահ չունեմ ես
Գողից, չարից, չար փորձանքից,
Աշխարհքով մին՝ ահա էսպես
Շաղ եմ տալիս իմ բարձունքից։
Ես հարուստ եմ, ես բախտավոր
Իմ ծընընդյան պայծառ օրեն,
Էլ աշխարհ չեմ գալու հո նոր,
Իր տվածն եմ տալիս իրեն։
ածանցավոր-անհուն ,անտակ, անծեր,բարություն
գոյական-գող,գանձեր ,հանք,սիրտ,սեր,երկյուղ ,փորձանք,ահ ,բարձունք,աշխարհ
Բանաստեղծությունը մի մարդու մասին է,ով շատ մեծ ու հարուստ հոգի ուներ և ավելին չէր էլ ուզում: Նա ոչ մի բանից չէր վախենում:
Ձայնագրություն – https://drive.google.com/open?id=1pyiPwql_PxfBTmLUbYOWmC9d5Z1XUSuq
Մկրտիչ Համբարձումյան 